日頭,曝beh死
大水,淹beh死
落霜,寒beh死.
有露水,我就活落去,春風來,我就出頭天。

我若出頭天,世界著青青,青—青青,青—青青!葉會焦,根會爛,代代gau生湠。

常常聽到人在唱情歌,為按怎哪猶未輪到我?是我卡歹看?還是事業無夠扑拼?

常常看人雙雙對對行相偎,為什麼哪會無人陪伴我?是我卡散赤?還是人扮無夠好看?

別人e情路,是 亢點仔膠;阮e情路,是石頭甲土沙。
有時陣,閣愛爬高崎,上帝耶穌觀音媽,請問這是為按怎?

人在講,一人一款命,姻緣天注定。
有人一夜變好額,有人一生攏散赤,
有人情人歸大拖,有人夜夜攏孤單。
啊!唔免吐大氣,不通怨命運, 姻緣是天注定。

期待著,月下老人早日來牽線,予阮在情路,bain閣爬高崎。我才會凍,將好聽e情歌,甲伊唱予大大聲。

每一日早起時,天猶未光,
阿爹就帶著便當,騎著舊鐵馬,
離開厝,出去溪埔替人搬沙石。

每一晚阮攏teh想:
阿爹e便當到底什麼款?
早頓阮及阿兄食包仔配豆乳,
阿爹e便當起碼也有一粒卵,
若無按怎替人搬沙石?

有一日早起時,天猶烏烏,
阮偷偷走入去灶腳內,掀開阿爹e便當,
無半粒卵、三條菜脯、蕃薯籤參飯。